молитва Б.М. Всех скорбящих радосте
Молитва Божией Матери
« Всех скорбящих Радость»
О Пресвятая Владычице и Богородице, высшая херувим и честнейшая серафим, Богоизбранная Отроковице и всех скорбящих Радосте! Подаждь утешение и нам, в погибели и скорби сущим; разве Тебе иного прибежища и помощи не имамы. Ты едина еси радости нашея ходатаица, и яко Матерь Божия и Мати милосердия, предстоящи у престола Пресвятыя Троицы, можеши нам помощи, никтоже бо притекаяй к Тебе посрамлен отходит. Услыши убо и нас ныне в день погибели и печали пред Твоею иконою припадающих и со слезами Тебе молящихся: отжени от нас належащия на нас скорби и беды в сей временней жизни, не лишены же сотвори Твоим всесильным ходатайством и вечныя нескончаемыя радости в Царствии Сына Твоего и Бога нашего. Аминь
Назад к списку