Православный Приход храма святого великомученика Георгия Победоносца г. Новокузнецк - Молитва Патриарху Тихону
Выделенная опечатка:
Сообщить Отмена
Закрыть
Наверх

Московский Патриархат Кузбасская митрополия Новокузнецкая Епархия, 3-е Новокузнецкое благочиние

Православный Приход храма святого великомученика Георгия Победоносца г. Новокузнецк

Сайт создан по благословению Владимира Епископа Новокузнецкого и Таштагольского

Объявления

Все объявления

Молитва Патриарху Тихону

 

 
 
Молитва святому патриарху Тихону
Опастырю наш добрый, святый великий патриарше Тихоне, яко град горний ты явил­ся еси, добрая дела твоя и доныне светятся пред человеки. Вемы, яко ты, предстоя Пре­столу Пресвятая Троицы, велие имаши дер­зновение в молитвах пред Господем. Воззри и ныне на нас грешных и недостойных чад твоих, к тебе бо яко имущему велие дерз­новение пред Творцем всяческих, ныне припадаем и усердно молимся: умоли Гос­пода, да подаст нам решимость стяжати бла­гочестие отцев наших, егоже ты стяжал еси от юности твоея. Ты в житии своем ревност­ный защититель и хранитель истинныя веры был еси, помози и нам незыблему соблюс­ти веру православную. Тихая бо душа твоя зело преуспела в Божественном смиренно­мудрии, научи и нас разум наш питати не многомятежною мудростию человеческою, но смиренным познанием воли Божией. Ты пред лицем лютых врагов Христовых истиннаго Бога дерзновенно исповедал еси, мо­литвою своею укрепи нас, малодушных, да и мы всегда и всюду противостанем духу безбожия и льсти. Ей, угодниче Божий, не презри нас, молящихся тебе, ибо не токмо от бед и скорбей избавление просим, но силы и твердости, великодушия и любве просим, дабы переносити оныя напасти, возстающия на ны. Испроси нам неос­лабное терпение даже до конца жития на­шего, мир с Господом и грехов отпущение. Отче святый! Укроти в стране нашей ветры неверия и смуты, да водворит Господь на зем­ли Российстей тишину и благочестие и лю­бовь нелицемерную. Молитвами твоими да сохранит ю от междоусобныя брани, да ук­репит святую Церковь нашу Православную, да не оскудеет она истинными пастырями, добрыми делатели, право правящими слово евангельской истины. Упаси и заблуждшия овцы стада Христова. Наипаче же моли Гос­пода сил, да возродится Русская земля святым покаянием и единым сердцем и еди­ными усты прославит дивнаго во святых Сво­их Бога в Троице славимаго Отца и Сына и Святаго Духа во веки веков. Аминь.

Назад к списку