молитва Николаю Угоднику
Молитва святителю Николаю Чудотворцу
О, всесвятый Николае, угодниче преизрядный Господень, теплый наш заступниче и везде в скорбех скорый помощниче! Помози мне грешному и унылому в настоящем сем житии: умоли Господа Бога даровати ми оставление всех моих грехов, елико согреших от юности моей, во всем житии моем, делом, словом, помышлением и всеми моими чувствы: и во исходе души моей помози ми окаянному, умоли Господа Бога, всей твари Содетеля, избавити мя от воздушных мытарств и вечнаго мучения: да всегда прославляю Отца и Сына и Святаго Духа, и твое милостивное предстательство, ныне и присно и во веки веков. Аминь.
Назад к списку